Milhares de pessoas manifestam-se contra a privatizaçom da sanidade galega

Umha grande manifestaçom percorreu na manhá de hoje as ruas da capital da Galiza em defesa da sanidade pública e contra os planos privatizadores do Governo Feijó.
Diário Liberdade |

A praça da Quintá ficou pequena para os milhares de galegos e galegas, convocadas pola Plataforma SOS Sanidade Pública, que agrupa plataformas comarcais de diferentes pontos do nosso país.

A manifestaçom partiu às 12 horas da Alameda de Compostela. Exibírom-se faixas contra as privatizaçons e a corrupçom, pola gratuidade e contra os planos privatizadores que, de maneira mais ou menos encoberta, o PP tenciona impor como parte da sua política neoliberal.

Além da forte presença dos principais sindicatos (CCOO, UGT e CIG), as plataformas comarcais tivérom também representaçom com faixas próprias, tal como trabalhadores e trabalhadoras do ámbito sanitário que vivem conflitos de tipo laboral, como é o caso da viguesa Povisa. Já durante a semana prévia, diferentes comarcas registárom actos de apoio à mobilizaçom deste domingo.

Os institucionais PSOE e o BNG pugnárom polo protagonismo mediático, situando os seus líderes eleitorais em lugares visíveis. Ambos os partidos da oposiçom parlamentar, que também aplicam políticas privatizadoras nos ámbitos de governo que ocupam, aderírom no entanto ao discurso em defesa do carácter público da sanidade galega.

Toda a esquerda social e política alheia ao sistema apoiou a manifestaçom, que supujo um êxito de participaçom em defesa da sanidade pública e contra as políticas neoliberais do PP à frente da Junta da Galiza.
http://www.diarioliberdade.org
Aquesta entrada ha esta publicada en GALIZA. Afegeix a les adreces d'interès l'enllaç permanent.

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s